"Bakı Hövsan Beynəlxalq Ticarət Dəniz Limanı" ASC-ində İdxal, İxrac və Tranzit Yük aşırımlarının həcmi artırılır. Liman Xəzəryanı, Qara Dəniz Hövzəsinin, Orta Asiya və Yaxın Şərq ölkələrinin maraq dairəsindədir.

Bu gün "Bakı Hövsan Ticarət Dəniz Limanı" ASC-nin baş direktoru Rəşad Daşdəmirov limanda "Azərbaycan Dəmir Yolları" QSC-nin sədri Rövşən Rüstəmov və "ADY" QSC-nin nümayəndə heyəti ilə görüş keçirmişdir. Görüş zamanı limanda yük dövriyyəsinin həcminin artırılması müzakirə olunmuşdur. Limanın baş direktoru qonaqları liman ərazisinin infrastrukturu, gəmilərdən yük aşırımı vaxtı texnikaların iş rejimi, Karbamid yükünün vaqonlara yüklənilməsi Qurğusu, Konteyner yüklərinin saxlanılması üçün yeni inşa olunan körpü və digər görülən işlərlə tanış etmişdir.

Gələcəkdə hər iki qrum arasında qarşılıqlı əməkdaşlığın inkişaf etməsi və limanın yük həcminin artırılması üçün müvafiq işlərin icra edilməsi planlaşdırıldı.