24 may 2023-cü ildə Ölkəmizdə səfərdə olan Birləşmiş Ərəb Əmirliklərinin Əbu Dabi şəhərinin "Abu Dabi" Dəniz limanının Orta Asiya və Şərqi Avropa regionu üzrə Baş direktoru Abduləziz Zayed Alşamsi limanın Beynəlxalq Biznes İdarəsinin nümayəndə heyəti ilə “Bakı Hövsan Beynəlxalq Ticarət Dəniz Limanı" ASC-də olmuşdur.

Qonaqlar Liman ərazisində infrastrukturla, limanın texnikaları ilə, gələcəkdə Limanın yük daşıma həcminin artırılması məqsədi ilə PAROM və RO-RO gəmilərin yan alınması üçün körpələrin inşası layihəsi, həmçinin limanda TIR avtomobillərlə yük daşımaların logistikası ilə tanış olmuşlar.

Limanın baş direktoru Rəşad Daşdəmirov qonaqlarla görüş keçirmiş, nümayəndə heyətinə limanın fəaliyyəti haqqında hazırlanmış video çarx nümayiş etdirilmişdir.

Görüşdə iştirak edən qonaqların suallarına dolğun cavab verildi və gələcəkdə iki qrum arasında Şərqdən Qərbə Yük daşımalarının başlanılması üçün təkliv və planların hazırlanması tapşırıldı.

Hövsan limanın rəhbərliyi Abu Dabi Dəniz Limanına, limanın infrastrukturu və fəaliyyəti ilə tanış olmaq üçün dəvət edildi.

Qısa vaxt ərzində praktiki işlərin başlanılması üçün qurumlar arasında "MEMORANDUM"-un hazırlanması tapşırığı verildı.